535 – 1000
Borgartún 28 , 105 Reykjavík
74.900.000 Kr.
Fjölbýli
3 herb.
112 m2
Stofur
1
Svefnherbergi
2
Baðherbergi
1
Inngangur
Sameig.
Byggingaár
0
Lyfta
Fasteignamat
7.160.000 Kr.
Brunabótamat
0 Kr.

*** SÝNUM SAMDÆGURS - 777 2288 - Jón G. Sandholt***

STAKFELL fasteignasala kynnir vandaða og sérlega bjarta 112,2 fermetra þriggja herbergja horníbúð á 6.hæð í nýju lyftuhúsi með stórum svölum, geymslu í kjallara og tveimur samliggjandi einkastæðum í bílakjallara. Íbúðin afhendist fullbúin án gólfefna, nema með flísum á baði, samkvæmt skilalýsingu. Íbúðin er rúmgóð og vel skipulögð, en alrými er einstaklega bjart og vistlegt.

Húsið, sem hannað er af Orra Árnasyni hjá Zeppelin Arkitektum, er sérlega fallegt að sjá, klætt að utan með tveimur gerðum af liggjandi báruklæðningu. Efri hluti hússins er hvítur en neðri hlutinn grár með viðarlitum flötum milli glugga. Gluggar eru áberandi stórir sem gefur húsinu létt og bjart yfirbragð.

Allar nánari upplýsingar veita:
Jón G. Sandholt löggiltur fasteignasali, í síma 777-2288 eða [email protected]
Halldór Kr. Sigurðsson löggiltur fasteignasali í síma 618-9999 eða [email protected]

Hafið samband og fáið senda skilalýsingu og söluyfirlit.


Eignin er þriggja herbergja horníbúð á 6.hæð hússins, merkt 02-0603, F237-0452, birt stærð íbúðar 101,8m2. Eigninni tilheyrir geymsla (0005) birt stærð 10,4m2 og svalir (0608) stærð 8,7m2 Eigninni fylgja tvö bílastæði í bílageymslu, merkt B01 og B02. Samtals birt stærð séreignar er 112,2 fermetrar.

Íbúðin skiptist í forstofu með fataskáp; hjónaherbergi með stórum fataskáp; herbergi; flísalagt baðherbergi með sturtu, hvítum innréttingum, skápum, vegghengdu salerni og sérstakri innréttingu fyrir þvottavél og þurrkara, og stofur og eldhús í rúmgóðu 41,4 fermetra alrými með stórum og björtum gluggum í tvær áttir. Útgengi er á svalir úr stofu.

Allar innréttingar eru sérlega vandaðar, smíðaðar hjá Axis með svokallaðri „Prefect-Sense“ áferð, og ná til lofts. Ljós grá innrétting er í eldhúsi með samlitri borðplötu. Vönduð eldhústæki frá AEG fylgja eldhúsinu, spanhelluborð, blástursofn, eyjuháfur og ísskápur. Fataskápar eru ljósgráir og ná til lofts. Innréttingar á baði eru hvítar með samlitri borðplötu.

Baðherbergi er flísalagt með Maxifine Marmi Blue de Savoie 60x60cm flísum frá Parka. Flísar í sturtu halla að vegg þar sem er sturturist. Sturtutækin eru innbyggð.
Íbúðin afhendist fullbúin án gólfefna á stofu og herbergi en með flísum á baði samkvæmt skilalýsingu sem telst hluti af söluyfirliti þessu. Hafið samband við  Stefán og fáið senda skilalýsingu, teikningar og söluyfirlit.

Íbúðirnar eru rúmgóðar og vel skipulagðar, en mikil birta einkennir allar íbúðirnar. Eitt stigahús er í húsinu með einni lyftu, en sameign verður afhent með flísum á fyrstu hæð en teppum á stiga. Með öllum íbúðunum fylgir sér bílastæði í lokaðri bílgeymslu, og nokkrum íbúðum fylgja tvö stæði. Í bílahúsi er sér strengur tengdur við sér mæli sem ætlaður er fyrir rafbílahleðslu. Frá mæli eru lagnir í tengibox við loft, en eitt tengibox er fyrir hver tvö bílastæði. Þeir sem ætla að hlaða bíla þurfa að leggja frá tengiboxinu að sinni hleðslustöð.

Allar íbúðirnar eru með rúmgóðum svölum, en gott rými er á svölunum fyrir grill og garðhúsgögn.

Eignin er staðsett á afar eftirsóttum stað í bakhúsi við Borgartún, en fjöldi nýlegra íbúðarhúsa er í næsta nágrenni. Stutt er í alla þjónustu, veitingastaði, sundlaug, gönguleiðir og miðbæ Reykjavíkur.

Kaupandi greiðir skipulagsgjald þegar það verður lagt á. Íbúðirnar verða tilbúnar til afhendingar eigi síðar en 1.desember 2019.

Hér er um að ræða frábærlega staðsetta, bjarta og skemmtilega eign, einstaklega vel hannaða. Eigninni fylgir einkastæði í bílakjallara en slíkt er ekki tilfellið með margar aðrar nýbyggingar sem nú eru í sölu á svæðinu. Myndir eru úr sýningaríbúð á annarri hæð.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi, krónur 55.800,-.
6. Annar kostnaður við skjalagerð,  t.d. skilyrt veðleyfi, kr: 15.000.- auk vsk hvert skjal.
7. Skipulagsgjald af endanlegu brunabótamati íbúðarinnar þegar það liggur fyrir, 0,3%.

Stakfell fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Kaupanda er bent á að nýta sér þjónustu fagmanna við skoðun fasteigna.

Fasteignasalan Stakfell | Borgartún 30 | 105 Reykjavík | Sími 535 1000 | www.stakfell.is

Senda fyrirspurn um eignina